පුජ්‍ය හීනටියන ධම්මාලෝක මහා නායක ස්වාමින් වහන්සේ

ven-heenatiyanadhammaloka-thero

ධම්මාලෝක හිමියන්. කාලිංග පියසේන ද සිල්වා නමින් 1900 වසරේ සැප්තැම්බර් මස 23 වැනි  හීනටියන දී උපත ලැබුවේ කරෝලිස් ද සිල්වා පියතුමාට සහ එම් මරිය නෝනා මවට දෙවැනි පුතු ලෙසය. පීල්ල වත්තේ බාලිකා විද්යාලය සහ ආඬි අම්බලම රජයේ විද්යාලයයේ මුල් ඉගනීම ලැබූ කාලිංග,  වලිසිංහ හරිස්චන්ද්‍ර මැතිතුමන් කල කතාවකට සවන් දී ගිහි ජීවිතයෙන් වෙන්ව ශාසනයට ඇතුළු වීමට තීරණය කළේය. ඒ අනුව 1911 වසරේදී හීනටියන  පොත්ගුල් විහාරයේ පුජ්‍ය මීගමුවේ ශ්‍රී ධම්මක්කන්ධ ස්වාමින්වහන්සේගේ ආචර්ය භාවයෙන් හීනටියන ධම්මාලෝක නමින් පැවිදි විය. පොත්ගුල් විහාරයෙන් සහ බළපිටි මෝදර විද්‍යාලවල ද්විතීය අධ්‍යාපන ලත් මෙතුමා ට සිය ඉංගිරිසි අධ්‍යාපන සඳහා අත හිත දුන්නේ එම් පී ද සොයීසා ආචාර්ය වරයාය.

වැඩිදුර අද්යාපනට විද්‍යෝදය මහා පිරිවෙනට ඇතුළුවූ ධම්මාලෝක හිමියන් වයස අවුරුදු 23 වන විට ඉතා දක්ෂ ධර්ම දේශකයෙකු ලෙස පසිද්ධ වුයේය. ඩී. බී. ජයතිලක සිරිමතාණන් ඇතිකළ කොළඹ තරුණ බෞද්ධ සංගමය සෑම ඉරිදාවකම කොටුවේ එම මධ්‍යස්තානයේදී ධර්ම දේශනාවක් සහ ධර්ම සාකච්චාවක් සදහා ධම්මාලෝක හිමියන් වැඩමවා ගත්හ  මේ කීර්ති රාවය නිසාම උන් වහන්සේට  65ක් පමණවූ ධර්ම ස්ථානවල ධර්ම දේශණා සඳහා නිතොර යන්නට සිදුවුයෙන් මහා බෞද්ධ දානපතිනියක් වූ ජෙරමියෙස් ඩයස් ආර්යාව ඒ වෙනුවෙන් ම මෝටර රථයක් වෙන්කර උන් වහන්සේට සැපයුවාය.මෙම දේශනා වල ඵලයක් ලෙස බොහෝ දෙනා බෞධාගම ගැන වඩා උනන්දුවකින් එකතු වුහ.

ධම්මාලෝක හිමියන්ගේ මඟ පෙන්වීම යටතේ, ගුණපාල මලලසේකර ඩී සී සේනානායක ඇතුළු ප්‍රභූන් කිහිප දෙනෙක් විසින් 1924 වසරේදී ශ්‍රී ලංකා ධර්මදුත භික්ෂු සභාවක් ඇති කරන ලදී. බොහෝ කලක්ම එහි ගරු ලේකම් ලෙස උන් වහන්සේ සේවය කලේ බොහෝ තරුණ භික්ෂුන් වහන්සේලා පුහුණු කරන්නට කටයුතු කළේය. පුජ්‍ය බලංගොඩ ආනන්ද මෛත්‍රිය හිමියන් විසින් කලින් ඉසිලු කොළඹ නාලන්දා විද්යාලයයේ බෞද්ධ ධර්ම ආචාර්ය තනතුර ආනන්ද මෛත්‍රිය හිමියන් ගෙන් පසුව භාර ගන්න ලෙස නාලන්දා විද්යාලයාදිකාරි ගරු ගුණපාල මලලසේකර මැතිතුමා  කල ආරාධනාවට අනුව කිසිදු වැටුපකින් තොරව නාලන්දාවේ ධර්මාචාර්ය තනතුරෙහි වසර ගණනක් කටයුතු කල උන්වහන්සේ දහස් ගණනක් වූ දරුවන්ගේ ජ්ව්විත ආලෝකමත් කලෝය.

මෙම කාලය තුළ දී බෞද්ධ   ධර්මදුත භික්ෂූ සංගමයේ කටයුතු සඳහා උද්යෝගිවත් වූ අය අතර ගුණපාල මලලසේකර, සෙනරත් ගුණවර්ධන, ආතර් වී ඩයස්, ආචාර්ය හේවාවිතාරණ, රාජා හේවාවිතාරණ ආදීන් වුහ. භික්ෂූ සංගමයේ මධ්‍යස්ථානය සඳහා වෙන්වූ ගොඩනැගිල්ලක අවශතාවය නිසා සේනානායක පවුලේ අය රාජගිරිය ප්‍රදේශයෙන් ඒ සඳහා ඉඩමක් පරිත්‍යාග කරන ලදී. මෙසේ ඉදිකරන ලද නව භික්ෂු මධ්‍යස්ථානයෙන් විදේශ ධර්ම ප්‍රචාරය සඳහා භික්ෂුන් වහන්සේලා තේරීමට ධම්මාලෝක හිමියන් ඉතා දක්ෂ විය. පූජ්ය වල්පොල රාහුල හිමියන්, කෙහෙල් ඇල්ලේ ආනන්ද සාගර හිමියන්, තල්පාවිල සීලවංශ හිමියන් ආදී ඉතා දක්ෂ වහන්සේලා තෝරා විදේශ ධර්ම ප්‍රචාරය සඳහා යවන්නට හැකි විය.

(මේ කාලය තුළ දී අනගාරික ධර්මපාල තුමන් විසින් මහනුවර වැව පාරේ තවත් භික්ෂු පුහුණු මධ්යස්ථානය ආරම්භ කරන ලදී.) 1929 දී පූජ්ය ධම්මාලෝක හිමියන් ගේ ප්‍රධානත්වයෙන් අට දෙනෙකුගෙන් යුත් භික්ෂු පිරිසක් දහම් ප්‍රචාරය සඳහා ඉන්දියාවේ මහාබෝධි සමාගම ට පිටත්ව ගියහ.  හේවාවිතාරණ හා එම පියදාස මහත්වරුද දවමොට්ටාවේ සාසනසිරි හිමියන්ද මෙම පිරිසට එක්වුහ. වසර හයක කාලයක් ඉන්දියාවේ ගතකල මෙම පිරිස ඉන්දියාවේ නැවත බෞද්ධ ප්‍රබෝධයක් ඇතිකරන්නට මුල් වුහ. මෙම වෑයමට පැසසීමට ඉන්දියාවේ විශ්ව විද්‍යාලයක් මගින් පූජ්ය ධම්මාලෝක හිමියනට ගෞරව උපාධියක් පිරිනැමීය.

ධර්ම ප්‍රචාරක සේවාවලට අමතරව උන් වහන්සේ කල සමාජ සේවා සහ ප්‍රජා සේවාද බොහෝය. මැලේරියා උවදුරෙන් රටේ බොහෝ ප්‍රදේශ වල ජනතාව අනතුරට ලකව සිටි දිනවල සෞක්‍ය සේවා දෙපාර්තමේතුවේ ය සමග උන් වහන්සේ සම ප්‍රදේශයකටම ගොස් නොයෙක් ලෙස උපකාරී විය. 1956 දී ඇතිවූ නියගය නිසා ත් 1957 මහා ගැන වතුර නිසාත් පීඩාවට පත්වූ රට වැසියන්ගේ ආධාරයට දැවැන්ත ආධාර වැඩසටහන්  කිහිපයක්ම ඇතිකිරීමට උන්වහන්සේ පුරෝගාමී විය.

1958 දී කොළඹ දිස්ත්රික්කයේ අමරපුර නිකායේ සංඝ නායක තනතුර සඳහා පත්කරනු ලැබීය
1960 දී පේරාදෙණිය විශ්ව විද්යාලයේ භික්ෂු දෙපාර්තමේන්තුවේ ප්‍රධානියා ලෙස පත්වීම් ලද්දේය.
1980 දී ජර්මානු බෞද්ධ ධර්මදුත සභාවේ ආරාධනයෙන් පූජ්ය ධම්මාලෝක හිමියන් ජර්මනියේද තවත් කිහිපයක් යුරෝපී රටවලද ධර්ම මධ්‍යස්ථාන ඇතිකරන්නට සමත් විය. එම සේවය අගය කරමින් අමරපුර නිකායේ මහා නායක ධුරය උන් වහන්සේට පිදුණේ 1980 වසරේදීමය.

ධම්මාලෝක හිමියන්ගේ ශිෂ්‍යයන් අතර පූජ්ය මහාචාර්ය වැල්ලවත්තේ ආනන්ද, පූජ්ය ගාල්ලේ අනුරුද්ධ, පූජ්ය හීනටියාන නන්දතිස්ස , පූජ්ය මහරගම මහින්ද ආදි හිමිවරු තවමත් ධර්මදුත කටයුතුවල නියලී සිටී.
එවැනි දැවැන්ත සමාජ සහ ආගමික ක්‍රියා සම්භාරයක් ඉටුකළ පුජ්‍ය හීනටියන ධම්මාලෝක මහා නායක ස්වාමින් වහන්සේ වසර 82 ක් ආයු වළඳා වසර 1981 දෙසැම්බර් මස 11 වෙනිදින ජාතියෙන් සමු ගත්තේය.

උන් වහන්සේට උපහාර ලෙස උන් වහන්සේ කල ගුවන් විදුලි ධරම දේශනයක් අසන්නට සලස්වමු.
පුජ්‍ය හීනටියන ධම්මාලෝක මහා නායක ස්වාමින් වහන්සේ ට නිර්වාණ සුවයම අත් වේවා

ven-heenatiyana-sri-dhammaloka-maha-nayake-there

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s